Ազգագրական փառատոնի շրջանակներում,  նախ ուսումնասիրեցինք հայկական ազգային խոհանոցը: Միասին որոշեցինք պատրաստել կլոր գաթա: 

Նախ հավաքեցինք տեղեկություն գաթայի ծագման, պատմության մասին, ընտրեցինք կլոր գաթայի առավել լավ բաղադարատոմ և սպատրաստեցինք կլոր գաթաներ: Կլոր գաթայի ներսում տեղադրեցինք մետաղադրամ: Ըստ հայկական ավանդույթի, ում բաժին էր ընկնում մետաղադրամը այդ տարին բարեհաջող էր նրա համար։ Մետաղադրամը բաժին հասավ մեր ճամբարական Արեգ Օսիպյանին:

Մենք 4-րդ դասարանի սովորողներին սովորեցրեցինք կոտորակներ թեման:

Արդյունքում կլոր գաթայի միջոցով քննարկեցինք մաս և ամբողջ, կոտորակներ թեման, ինչպես նաև կատարեցինք գործողություններ կոտորակների հետ:

Գաթայի բաղադրատոմսը
ԽՄՈՐ
300 մլ․ գոլ կաթ
1 հավկիթ
120 գ․ շաքարավազ
90-100 գ․ կարագ
1թ/գ խմորիչ /դրոժ
վանիլ
500 գ․ ալյուր
ԽՈՐԻԶ
160գ․ ալյուր
150գ․ շաքարավազ
90-100 գ․ կարագ
վանիլին
մեկ ձվի դեղնուց վրան պատելու համար
Թխել 180°С ով 30րոպե

Խնդիր 1.

Մեր պատրաստած գաթան բաժանեցինք 14 հավասար մասին։ Յուրաքանչյուր կոտորը ամբողջական գաթայի ո՞ր մասն է։

Պատ․՝ 1/14

Խնդիր 2.

Մեր պատրաստած գաթան բաժանեցինք 8 հավասար մասին։ Ես կերա գաթայի 3/8 մասը, Արեգը կերավ գաթայի 2/8 մասը։ Գաթայի ո՞ր մասը մնաց։

3/8+2/8=5/8

8/8-5/8=3/8
Պատ․՝ 3/8

Գաթայի ծագում

«Գաթա» բառի ծագման առեղծվածը

Գաթայի հետ կապված ամենաբարդ հարցերից մեկը բառի ստուգաբանությունը պարզելն է։ Կան վարկածներ, սակայն «գաթա» բառի ճշգրիտ ծագման հետ կապված հարցը դեռևս բաց է մնում։ 

Առաջին անգամ գաթայի մասին հիշատակել է Վարդան Այգեկցին իր «Խոզը և գաթան» առակում։ 

Ժամանակին բառի հնարավոր ստուգաբանություններից մեկը «կաթ»-ն էր, որը ակադեմիկոս Հրաչյա Աճառյանը հերքեց իր աշխատություններից մեկում։

Գաթայի հետ կապված հավատալիքներն ու ավանդույթները 
Գաթան անպակաս էր նաև Նոր տարվա սեղանից։ Նոր տարուն կլոր գաթա թխելը և նրա մեջ մատանի կամ մետաղադրամ դնելը բավականին տարածված էր Գյումրիում։

Համարվում էր, որ ընտանիքի այն անդամը, որին բաժին կհասներ մետաղադրամը կամ մատանին պարունակող գաթայի կտորը, կունենար հաջողակ տարի։ Իսկ տվյալ իրը նա իր մոտ պետք է պահեր ողջ տարվա ընթացքում։